| Soudard martolod E kreiz ar plasenn vihan War enez Houad. | Ur steredenn-guzh En he askre ar Furnez 'kreiz an aval sakr. | Kouezhet an aval P'edo dindan ar wezenn Pebezh planedenn ! | |||
| Dirak lagad Doue Un aval war-bouez da vrec'h Glas ar marv-heol. | An hanterloar – Me a bartaj un aval G’ an deñvalijenn. | An hini kozh a lufr An aval dilezet - Setu al loar gann. | |||
| Avaloù an eskob Dirak ar presbital Didud. | Gwez avaloù marv Korfoù du astennet er park 30 lur gall ar wezenn. | Dous moen, dous rous Laou Sant-Joseb O tebriñ ho tivjod lous. | |||
| Tri aval war ur wezenn An hini kentañ a zebran Ar re all evit al laboused. | "Teint frais", aval ganet e Kemperle evit itron ar c'hastell hadet gant he mevel bras. | Aoloù divalav boued laboused du didruez. toulet ha didoulet. | |||
| Chistr dous ar presoer Un tamm plouz kerc'h gant ar bugel Hag a sun ar choug. | Avaloù melen e skin klouar an heol tantad fin an hañv. | Peurnoz war ar gwez ha tro diroll ar mouilc'hi 'vit an avaloù. | |||
| Avaloù 'ba boued c'hwezh lipous a sav dousig betek hon divfron. | Aboae Adam piv a zo bet kaset da goll evit un aval ? | Erc'h àr ar vro en noz du Ur valzennig é tañsal Morenn dev. | |||
| Vi ar wezenn En e vantell-kig (An hadenn-aval). | Avaloù o poazhañ er forn Tan o strakañ 'n oaled Goañv yen-skorn. | C'hwezh tomm ha blaz put, Glas, melen, kistin pe ruz, Ai'eo kozhamzer. | |||
| An dent sanket enni kig ar pec'hed roit din ar baradoz ! | Gwenn-kann eo ar vro nemet tri aval ruz brav e lein ar we'enn vras. | Avalenned ar c'hleuzioù ' lez da gouezhañ o frouezh. Ne vint ket dastumet. | |||
| Pemp aval blot o kuzhaat mezhek 'kreiz un neiz delioù. | Er bailh ' tiver chug aour Zoup ' lardañ ar billig Galetez chistr dous ! | Un aval a-stribilh ar bugel ' sav e vrec'h Gortoz ! 'bennc'hoazh ' vi bras | |||
| Frouezhenn a lontegezh Frouezhenn a likerezh Frouezhenn a eürusted. | Pilad-glav war ar gwerje kouezhet an avaloù chervad d'ar melc'hwed. | Avaloù ankouêt Eürusted goañv al labous marnaoniet. | |||
| Bleunioù roz en avalenn, o frond melen. Gant ar chug aour... mezvet ! | Avaloù melen hoalus "Hopala ! d'al laer !" Ar bugel ' staot en e vragoù. | Avaloù dous-rouz blaz me bugaleaj un drugar. | |||
| Sistr dous sunet gant ar blousenn sklis hep dale. | Parkat tud dastumadur avaloù mezo tout an noz. | ||||