Haiku Taol kurun - Krennarded e brezhoneg

Ar glav - Haiku Taol Kurun 2014 - Krennarded

An holl haiku Taol kurun 2014

Glav, glav e-pep lec'h. Ma disglavier zo torret, ha gleb eo me blev.	Pil-dour zo er maez, doc'h ma fenestroù, stokadenn an dakennoù.	Fentus eo ar glav, ha gant heuzoù kaoutchou plouf... barzh ar poull-dour...
Gwelet 'm eus dre ar fenestr, Ur c'hazh yen ha gleb hep familh na ti.	Dec'h war an hent dour, gleb war ma marc'houarn, dallet get avel ha glav.	D'al lun tremenet, ur wezenn hejet, ha me barzh ma zi, aoniet.
O c'hoari dindan ar glav gleb on penn-da-benn pebezh devezh dreist !	Glav en tu all d'ar fenestr, tommder war ma dremm, a zeu eus an tan.	Digoriñ ma dor : ar straed beuzet get ar glav, ha me, fall-kountant.
E-pad ar gentel get ma dilhad gleb on sioul e selaou ar glav.	Achu eo ar skol arru on er gêr hag e welan bann an heol.	Nepell ag ar sinema ur barrad-glav yen gleb penn, kil ha troad.
Dre ma fenestroù glav a ra er-maez ar goañv a zo amañ.	Dec'h edan ar gaouad-glav ma blev é tapenn àr ma chupenn glep.	E-barzh ma zi e vez tomm glav a rae er maez ma c'hazh zo glep-glep.
Klevout son an takennoù a gouezh wàr an hent brav eo ar glavig.	Trist eo ar fenestr daeroù argant é redek wàr he dremm e gwer.	Takennoù wàr ar fenestr a riskla betek ur poull-dour bihan.
Koumoul du er c'hoad a-daol-trumm takennoù-pluñv gleb a vo ma zremm.	Takennoù er maez e-barzh ma gwele gleb e seblant ma linsel.	Glav a-bil war ma chupenn nec'hus eo an oabl skuizh ha gleb-teil on.
War ma gourvezvank sellout a ran dibasiant an dakenn a gouezh.	Dindan ar gaouad ar glav e redek plik i plok ha plik i plok.	War ma gourvezvank e sellan an takennoù un amzer trist eo.
Er straed 'm eus santet ar glav get ma disglavier on aet fonnaploc'h.	Ar glav a rae trouz ploka ploka plok ha me, me-unan er gêr.	Takennoù war ma fenestr edan ma fallenn trouz ebet, noz vat.
Koumoul gris ha takennoù un nor o tigor kenavo d'ar glav.	Diskabell edan ar glav otoioù e-leizh distro on gleb-teil.	Koumoul-glav teñval ha trist a ro drouk-penn din an devezh a-bezh.
Ar blijadur zo aet kuit gant ma disglavier eo bet kemeret.	Gwelout a ran ar gwez derv dre fenestr ma zi en em ziwiskiñ.	Ur vro vurzhudus ar glav a welan met an tan eo a glevan.
Setu kaouadig-glav met n'eo ket grevus tomm eo din ha setu tout.	Trist-meurbet al laboused aet eo o gwele gant an avel yen.	Al livioù er skub-delioù flammennoù ar gwez n'eo ket ken brav-se.
War ma fri oa takennoù gleb oa ma botoù fin ar barrad-glav.	Disglavier en e zaouarn botoù en e zreid bro ar barrad-glav.	Yen eo ar-maez eus an ti tomm ar botoù-glav e-barzh ar park gleb.
Tapennoù-dour c'hoazh àr ma lunedoù ha setu ar skub-delioù.	Trist ha gris an deiz laouen ar maligorned hag ar chignaned.	An tan é strakal glav yen éc'h ober nedeleg zo é tostaat.
Kounifl kollet er jardrin glav àr ar fenestr an tan en oaled.	Glas ar c'houmoul-glav skeudenn ma zad-kozh karet marv e-pad an hanv.	Mintin Nevez-Amzer Glav-pil war ar gêr vras Redek dindan an disglavier.
Kouezhañ a ra ar glav Evel takennoù gwad War ar betoñs.	Pet segondenn ar c’hlavenn ? Marteze seizh, eizh, nav ? Ne ouezan ket !	Kemer da zisglavier Pe chom er gêr Emañ ar glav o tont.
Glav-pil war ar c’hroc’hen Ken yen ha flemmus Ha kudennoù ar vuhez.	Avel-vor e Breizh Glav direizh Pebezh amzer vrein !	Ar glav o stekiñ Ouzh mogerioù va zi Emaon o tihuniñ.
Luskell flikflok ar glav Ouzh lien an deltenn Setu deuet ar c’housk.	Glav touseg war va dremm Son an arnev kreñv O tasseniñ en va fenn.	Evet un dakenn c‘hlav Analet ur banne avel Rouzet gant an heol.
Glav Breizh o kouezhañ Er straed, goustadik Ha me o vont er-maez.	Un dakenn klouar ha yen O ruilhal war va fenn Oc’h adtresañ va dremm.	Dour-glav o redek Ouzh ar prenestier Trist an amzer.
Glav hep truez Glav hep paouez Met glav ar vuhez.	Dindan ar glav mintin En hor bro, Armorika Ar mor o klemmichat.	Ur mintinvezh goañv War al leton gleb Perlezennoù dour.
Korventennoù foll Gwagennoù diroll Glav pil-polos.	Ar glav o taboulinañ An avel o ruziañ Al laboused o kanañ.	Blaz ar glav war va zeod Trouz ur barrad avel Un dakenn war va fenn.
Glav gris an Diskar-Amzer Skinoù melen an heol Setu gwareg-ar-glav.	O tañsal dindan ar glav Va blev du gleb-dour-teil Ha va soñjoù ken du all.	Ur breizhad dindan an dour Glav flour o tiskenn Evitañ, evel aour.
Koumoul bras-divent Oc’h ober fent Diwar va fenn.	Emañ ar glav o kouezhañ Ha me en va zi O sellout ouzh va c’hi.	C’hwezh ar glav arnev O kouezhañ gant nerzh E Menez-Are.
Flokignat a ra ar glav ‘Barzh ar mor glas Ouzh sklêrijenn al loar.	Dindan an disglavier Ar glav o kouezhañ War va blev gwalc’het.	Glav-pil war an ti Avel o c’hwezhañ Serrit pep tra, tomm e vo.
Ar glav o kouezhañ Glavenn-ha-glavenn O flikflokat en noz du.	Flikflok an takennoù Skeudoù du, tonioù piano, Laouen pe drist ar glav ?	Glav-pil ha koumoul Mignoned ha mignonezed Breizh, va flijadur.
Goude blaz dous ar glav ‘Vel hini an erc’h ar goañv Blaz c’hwerv al louzoù.	Douar sec’h goude an hañv Ar glav o tont An Natur leun a wez.	Liv gris an oabl Prenestier serr Redadenn ar glav er straed.
Goude ar barrad Deuet gwareg-ar-glav En oabl gwenn.	Gleb ar geot Takennoù dour o kouezhañ Evel daeroù ur bugel.	Aezhenniñ a ra Ar c’hentañ barrad glav E poultrenn sec’h an hañv.
Va-unan er c’hoad A-greiz-holl Glav touseg o kouezhañ.	Lakaat va skouarn Ouzh an nor Ar glav o taboulinañ.	Laboused dindan ar glav Etre an takennoù O brasañ plijadur.
Un takad gwad Kouezhet war al leur Deuet ar glav.	Dour o kouezhañ Ur saladenn, ul liorzh Un amzer maligorned.	Amzer vrav eo ar glav ‘Vit ar garediged stok Dindan an disglavier.
Gant da son brav Glav teñval Nevez-Amzer Karout a ran da gan.	Glavenn o redek E korn va disglavier O flokignat war al leur.	Ar c’houmoul o tont Ar glav o kouezhañ Ha ni gleb.
Dour-glav o redek A-hed ar riblenn Ha me o vale a-barzh.	Pesked en dour Glav o kouezhañ Laouen ar pesked.	Ur c’hlavenn war va brec’h Flikflok he mil c’hoar Betek an darzhadeg.
Trouz dous ar glav skañv Sioul evel ar soñjoù O tiskenn betek ar stêr.	Un disglavier er straed Den ebet e kêr Galloud ar glav.	Mor, stêr, aezhenn ha glav Dre gement stad ‘tremen A-raok kouezhañ war va fenn.
Sklêrijenn ar ganevedenn Goude ar barrad glav Takennoù dour war al leur.	Ar glav o tiskenn War an hent gleb en hañv Blot eo an douar.	Glav touseg a ra Ha me en disglav Er marchosi bras.
Breizh va bro gaer Koumoul ha glav-pil Er menezioù glas.	Huch ar ran Glav war-lerc’h Hag amzer vrav goude.	Goude ur barrad hir Setu un arme dour O redek diouzh ar stêr.