Kenstrivadeg haiku

17vet kenstrivadeg haiku Taol kurun : AR STÊR
Embannet e vo el linenn diouzhtu war lec'hienn festival Taol kurun hag e vo roet ar prizioù (levrioù, dafar evit skrivañ barzhonegoù, embannadur en ul levrig) e-pad ar festival, e miz Genver 2019.
Goude an troad, an dorn, ar c'hilog, ar c'hurun, ar sklerijenn, al labous, ar glav, ar c'han, an hent, ar gwez... Setu tro AR STÊR, an tem dibabet.

Simpl eo ar reolenn : ret eo kas tri haiku d'ar muiañ (3 werzenn 5/7/5 troad) e brezhoneg, galleg pe galloeg. Un haiku a vez diaezezet war ar sellout ouzh traoù simpl, kavet en natur, un dra a zo c'hoarvezet dindan un amzer verr hag a zo fromus, direnkus, dic'hortoz. Ret eo kas ar barzhonegoù a-raok d'ar c'hentañ a viz Genver 2018 da lec'hienn pe da Taol kurun .


Skouerioù :

Un nadoz aer
war beg ur grugell
micherourien o klemm er straedoù. Bernez Tangi
Skeud an elestrenn
e arc’hant ar stêr –
Luc’hiad glas an nadoz-aer. Mai Ewen
Etre ar pupli
ar wazh a red, mall ganti
anaout ar stêr. Youenn Brusk
Sourral ra ar stêr
dosluizh-noz an nadoz-aer
pardaez war ar pont.  AK
Sourral ‘ ra ar stêr
diskuizh-noz an nadoz-aer,
pardaez war ar pont. Naig Kervella
Mouchet eo al loar
kan ar raned a strafuilh
an dour hag an oabl. Buson
Kenveajourez
war ma zog
un nadoz aer.  Santoka
Kelien miz Mae
a-us d’ar stêr
hirbadelezh ha berrbadelezh. Fañch Peru.
Labous glas
taol kurun fluo
e-kreiz ar stêr Ele.  MK


Setu, d'ho pluennoù neuze !